Um okkur

Úr Árbók Selfoss 1972. Bílasala Selfoss var stofnuð 16. maí 1964. Þá var fyrsti bíllinn skráður til sölu. Það var Pontiac, árgerð 1948. Eigandinn var Jóhann Guðmundsson, Kirkjuvegi 7. Selfossi, sími 233. Bílasalan var til að byrja með til húsa að Eyrarvegi 22 í húsi eigandans, Sverris Andréssonar, sem rak bílasöluna óslitið til ársins 2000. Sími bílasölunnar var þá 1416. Þetta var eina bílasalan austan Hellisheiðar. Bílasalan annaðist milligöngu um kaup og sölu á notuðum bílum og landbúnaðarvélum.

Í þá daga var hún eingöngu opin á kvöldin og á laugardögum. Um 160 bílar voru þá á söluskrá bílasölunnar. Bílasala Selfoss er nú til húsa að Hrísmýri 3, í stóru og rúmgóðu húsnæði þar sem viðskiptavinir geta skoðað nýja bíla í björtum og rúmgóðum sýningarsal. Söluskrá Bílasölu Selfoss hefur að geyma fjölda notaðra bíla og er bílasalan að auki beintengd við söluskrár hjá söludeildum Heklu. Bílasala Selfoss býður einnig upp á allar gerðir nýrra bifreiða frá Heklu.